Ptačka lěta sobu postajić

pjatk, 22. januara 2021
artikl hódnoćić
(0 )
Štom lěta 2021 je ilex aquifolium, serbsce wótrolist.  Foto: pixabay Anrita Štom lěta 2021 je ilex aquifolium, serbsce wótrolist. Foto: pixabay Anrita

Hišće w přirodźe wšitko wotpočuje. Naje­bać to su fachowcy hižo rostliny a zwěrjata lěta postajili. Štom lěta 2021 ma łaćonske mjeno ilex aquifolium. Serbja mjenuja jón wótrolist, Němcy Stechpalme. „Aqui rěka wótre a folium lisćo, tohodla wótrolist“, rozłožuje fachowc lěsnistwa Guido Budar. „Wosebitosć je, zo tón swoje zelene łopjena tež w zymje zdźerži.“ We Łužicy tajki štom skerje njenańdźemy. Typiski je wótrolist w srjedźnej Europje, hdźež su zymy miłe a hdźež włóžna klima knježi. W Němskej pak rosće wón w porynskich kónčinach kaž tohorunja při Sewjernym a Baltiskim morju. Swoje krute městno ma wótrolist w křesćanstwje. „Bołmončku su Jězusa z palmami w Jerusalemje witali. Spominajo na to swjećimy bołmončku, a to z bołminu. W južnych kónčinach Němskeje su pak hižo w srjedźowěku tež hałzy wótrolista za to wužiwali, dokelž běše štom stajnje hižo spočatk nalěća abo w jara pózdnjej zymje połny lisća a bě tuž palmje najpodobniši“, wě Guido Budar.

wozjewjene w: Serwis
Prošu přizjewće so, chceće-li komentar podać

nawěšk