EU žada sej přehlad wo dodawanju šćěpiwa pře koronawirus
Brüssel/Berlin (dpa/SN). Njedosahaceho mnóstwa šćěpiwa přećiwo koronawirusej dla chcedźa wšitke eksporty srědka z Europskeje unije přichodnje registrować a wot wotpowědneje dowolnosće wotwisne sčinić. To je komisija EU wčera w Brüsselu přizjewiła. Pozadk je zwada ze zhotowjerjom seruma Astrazeneca, kiž chce EU najprjedy raz mjenje šćěpiwa přewostajić hač přilubjene. Hłowna přičina su pječa problemy při produkciji seruma. EU je hněwna a žada sej přilubjene mnóstwo, čehoždla planuje jutře dalše krizowe posedźenje z firmu.