Wot žurnalista k antikwarej

štwórtk, 18. februara 2021
artikl hódnoćić
(0 )
 dr. Michael Kunze  Foto:    Carmen Schumann dr. Michael Kunze Foto:  Carmen Schumann

Dr. Michael Kunze, kiž chce w aprylu swój nowy „antikwariat při tachantskej cyrkwi“ w Budyšinje wotewrěć, skutkowaše wot lěta 2009 do 2020 jako žurnalist, naposledk za regionalny dźenik Freie Presse, kotryž w Kamjenicy wuchadźa. W lěće 2012 je wón do Drježdźan přećahnył, hdźež tuchwilu tež bydli. Dokelž su jeho dźěłowe městno wot Freiberga do Kamjenicy přepołožić chcyli a tež, dokelž měješe w minjenym času dźeń a mjenje sobudźěłaćerjow dźeń a wjace dźěła zmištrować, je wón so rozsudźił, so z dotalnym žurnalistiskim dźěłom rozžohnować a něšto cyle hinaše činić.

Michael Kunze je 38 lět stary a je so w Šwikawje (Zwickau) narodźił. Wotrostł je w Langenhessenje blisko Werdauwa w předkraju Rudnych horin. Wot 2002 do 2007 studowaše politiske wědomosće, geografiju a sociologiju w Kamjenicy. 2014 promowowaše wo židowskim politoloze a „wučerju demokratije“ Sigmundźe Neumannu. Swoje lěta jako žurnalist ma wón za dobry čas a nochce tele nazhonjenja parować. „Situacija w žurnalizmje pak je dale a hórša“, Michael Kunze měni.

wozjewjene w: Kultura
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND