Něhdźe połsta wudźěłkow chce LND zajimcam lětsa poskićić

Budyšin (SN/CoR). Tež lětsa chce Ludowe nakładnistwo Domowina znowa něhdźe 50 wudźěłkow wudać – wjetšina z nich budu wězo knihi. Nowostka pak, kotraž ma hižo w aprylu wuńć, budźe protyka, mjenujcy nowa nasćěnowa. Naslědnica woblubowaneho kalendra „Moja Łužica“, ke kotrejž bě fotograf Wolfgang Wittchen něšto lět wobrazy přinošował, ma wot lěta 2022 prosće „Łužica–Łužyca–Lausitz“ rěkać. Nowy titul, nowy format, nowy ­fotograf – klasikar LND wuńdźe takrjec w nowym outfiće. Wobrazy zapopadnył je wjelelětny fotograf našeho wječornika Maćij Bulank, w srjedźišću steja cyrkwje. Kaž zwučene wuńdźe kalender jako dwutydźenski kalender, format pak budźe skerje kwadratiski.