Jutrowne paslenje

Radwor. Jutře, 27. měrca, móža zajimcy w 15 hodź. na stronje www.schadźowanka.de zhonić, kak hodźa so jutrowne debjenki zhotowjeć. Samsny dźeń na samsnej stronje přednošuje wandrowski Franc Čornak w 19 hodź. pod nadpismom „Franc w zbožu“ wo swojich dožiwjenjach. Wobě zarjadowani prezentuje Radworska staršiska iniciatiwa.

Hudźbnicy SLA kemše wobrubja

Budyšin. Hudźbnicy Serbskeho ludoweho ansambla wobrubja přichodnje kemše w serbskich cyrkwinskich wosadach Budyskeho wokrjesa. Bołmončku, 28. měrca, wustupitaj spěwarjej SLA ­we wobłuku bohosłužby w Rakečanskej ewangelskej cyrkwi. Zeleny štwórtk, 1. apryla, přewodźatej spěwny a smyčkowy kwartet Božej mši w Chrósćicach a we Wotrowje. Na liturgiji wulki pjatk přednjese chór SLA Alojsa Hantušowy pasion po swj. Janu w Chrósćicach. Jutry póndźelu, 5. apryla, wobrubja ansamblowcy Bože mšě w Radworskej, Zdźěrjanskej, Ralbičanskej a Rakečanskej cyrkwi.

Prózdninska zabawa