×

Powěsć

Failed loading XML...

Schickowe wrota snano nětko hižo najrjeńše turněra

wutora, 15. junija 2021
artikl hódnoćić
(0 )
Šotiski wrotar David Marshall njeměješe při třělwje Patrika Schicka žanu šansu. Marshall steješe předaloko wonka, štož Schick wušiknje wuži.  Foto: pa/Andy Buchanan Šotiski wrotar David Marshall njeměješe při třělwje Patrika Schicka žanu šansu. Marshall steješe předaloko wonka, štož Schick wušiknje wuži. Foto: pa/Andy Buchanan

Sevilla (kh/SN). Čech Patrik Schick je wčera z dwojimi wrotami čěske narodne koparske mustwo k dobyću přećiwo Šotiskej wjedł. Při tym běchu jedne rjeńše hač tamne.

Na štwórtym hrajnym dnju europskich koparskich mišterstwow (EM) přesadźi so w prěnim dwuboju dnja Čěska w skupinje D suwerenje z 2:0 přećiwo Šotiskej. Cyle jasnje wusahował je Patrik Schick. Prěnje wrota docpě wón z hłójčku, po tym zo bě so w powětře přećiwo přećiwnikomaj přesadźił. A dokelž te hišće rjane dosć njeběchu, třěli 25lětny w druhim połčasu bul z ně­hdźe 50 metrow do saka.

Tučasnje najlěpši nadběhowar swěta Polak Robert Lewandowski njeje porno tomu na EM překwapić móhł. Pólska podleža po słabym a njezbožownym předstajenju 1:2 susodej ze Słowakskeje. Pólska bě spěšnje w zastatku. Róbert Mak bě z wótreho kuta na wrota třělił, a bul skoči wot žerdźe na wrotarja a wottam do saka. Hnydom po přestawce wuruna Karol Linetty. Remis pak dołho njedźeržeše. Sydom mjeńšin po tym zo bě Grzegorz Krychowiak žołto-čerwjenu kartu dóstał, docpěchu Słowakojo z jednym koparjom wjac na hrajnišću dobyćerske wrota přez Milana Škriniara.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND