„Ničenje přirody w Mužakowskej holi je bjez runjeća“

pjatk, 09. julija 2021
artikl hódnoćić
(0 )
Maja Nagelowa, Julius Günzel a dr. Grit Lemke (wotlěwa) rěčachu w Röhrscheidtowej bašće wo filmach, přirodźe a towaršnostnej rozkorje.SN/Hanka Šěnec Maja Nagelowa, Julius Günzel a dr. Grit Lemke (wotlěwa) rěčachu w Röhrscheidtowej bašće wo filmach, přirodźe a towaršnostnej rozkorje.SN/Hanka Šěnec

Budyšin (SN/bn). Pod hesłom „Pohlady“ je Serbski ludowy ansambl nowy format hudźbno-filmoweho wječora ze slědo­­wacej podijowej rozmołwu předstajił. Ně­hdźe 30 wopytowarjow dožiwi w tym wobłuku wčera w Budyskej Röhrscheidtowej bašće – dešća dla njebě na byrgarskej zahrodźe planowane zarjadowanje pod hołym njebjom móžne – takrjec dwójnu premjeru. Prěni raz pokazachu loni dokónčeny dokumentariski krótkofilm Maje Nageloweje a Juliusa Günzela „winterlieb – libawka“ před publikumom na městnje. Pask je pokročowanje produkcije „blaubeeren – cerne jagody“ z lěta 2013, z kotrymž běchu filmowy dźěl wječora zahajili. „Smój paskaj samaj prěni raz pospochi widźałoj. Sym tola překwapjeny, zo wonej takle pokazanej hišće wjace skutkownosće nabywatej“, Günzel po před­stajenju zjima. Nagelowa na to skedźbni, zo „je nimale wša krajina, kotruž­ smój dokumentowałoj, mjeztym preč. Zwostała je jeničce wulka dźěra.“

wozjewjene w: Kultura
Prošu přizjewće so, chceće-li komentar podać

Serbska debata

nowostki LND