Prěni hudźbny a literarny swjedźeń w Lubinje z wuběrnym wothłosom
Lubin (SN/bn). „Čitaće serbsku literaturu a poskaće serbsku hudźbu? Hač haj abo ně – dźensniši 1. serbski hudźbny a literarny swjedźeń ‚Wortschätze – Drogostki ze słowami – Słowne drohoćinki‘ w Lubinje woboje zmóžnja. Na fasety bohaty program nam wuwědomja, zo stej rěč a kultura Serbow z centralnym wobstatkom łužiskeje identity. Wobchowanje jich kultury a rěče spožča identitu, sylnja regionalne styki, zwobraznja wjelorakosć a wobohaća naš kraj.“ Tak zjimaše krajny społnomócnjeny za naležnosće Serbow a kulturny statny sekretar Braniborskeje Tobias Dünow minjenu sobotu premjeru swjedźenja, hłownje zarjadowaneho wot Lubinskeje towaršnosće za turizm, kulturu a měšćanski marketing (TKS Lubin). Hłowny spěchowar swjedźenja bě ministerstwo za wědomosć, slědźenje a kulturu Braniborskeje, kotrež za njón we wobłuku idejoweho wubědźowanja „Kulturna domizna Łužica“ dohromady 15 000 eurow nałožowaše (Serbske Nowiny rozprawjachu).
