Žiwjenski plan so w běhu hodźin změnił

pjatk, 08. oktobera 2021
artikl hódnoćić
(0 )
Kulowčan Beno Mróz chce Koćinski Krabatowy mlokowy swět optimalnje na přichod wusměrić, při čimž jemu skót jara na wutrobje leži. Najwjetši projekt, kotryž jeho tuchwilu zaběra, je nowotwar z modernymi techniskimi inowacijemi wuhotowaneje hródźe. SN/Božena Šimanec Kulowčan Beno Mróz chce Koćinski Krabatowy mlokowy swět optimalnje na přichod wusměrić, při čimž jemu skót jara na wutrobje leži. Najwjetši projekt, kotryž jeho tuchwilu zaběra, je nowotwar z modernymi techniskimi inowacijemi wuhotowaneje hródźe. SN/Božena Šimanec

Dlěje hač dwě lěće Beno Mróz zhromadnje z jednaćelom Tobiasom Kockertom Krabatowy mlokowy swět nawjeduje

Z ratarjom so stać njeje poprawom na žiwjenskim planje Bena Mróza z Kulowca stało. Wuchodźiwši 10. lětnik šule „Korla Awgust Kocor“ w Kulowje zahaji wón mjenujcy najprjedy wukubłanje na mechatronikarja. Po tym započa w Drježdźanach elektrotechniku studować. Hižo w prěnich štyrjoch tydźenjach pak sej wuwědomi, zo njeje to za njeho prawy směr, a je so za hinašimi móžnosćemi rozhladował. Wopyt we ­wšelakich zawodach za čas studija, hdźež so mjez druhim z awtomatizaciju zabě­rachu, jemu skónčnje pomhaše swój puć namakać. A tak zahaji w Drježdźanach/Pillnitzu studij ratarstwa. Wězo su w tym času praktikumy w ratarskich předewzaćach njeparujomne, a te wukonješe Beno Mróz w Koćinskim zawodźe Krabatowy mlokowy swět (MKH), štož wjedźeše k wuskemu zhromadnemu dźěłu z jednaćelom a přistajenymi. Njezadźiwa tuž, zo wosta jemu ratarski zawod tež po wuspěšnym zakónčenju studija kruty partner.

wozjewjene w: Předźenak

Galerija

dalši wobraz (1) Wutroba Koćinskeho ratarskeho zawoda je tuchwilu hišće dejenski karusel. Bórze pak maja dejenske robotery nadawki přewzać. Dźěło hladarjow skotu so potajkim tež změni.
dalši wobraz (2) Mjeztym su wšitke starobne skupiny – ćelata, jałojcy a dejki – w Koćinje zaměstnjene. Tam na to čakaja, zo smědźa do noweje hródźe přećahnyć, štož je za januar 2022 předwidźane.
Prošu přizjewće so, chceće-li komentar podać

Serbska debata

nowostki LND