Twarske dźěła na Worklečanskej šuli budu dróše a traja drje dlěje
Nowa Wjeska (SN/MG). Z wulkim dešćom a powodźenej pincu wyšeje šule drje w juliju nichtó ličił njebě. Přetwar šule so tuž wokomiknje dlije, architekt planowanskeho běrowa Gumpert z Kulowa, Andreas Hantschke, wčera na posedźenju Worklečanskeje gmejnskeje rady zdźěli. Dotal wšak njewědźa, zwotkel bě woda přišła. Peter Linke ze swojim planowanskim běrowom Komunalkonzept z Kinsporka tole nětko přepruwuje.
