„Moja wutroba słuša do Łužicy“

wutora, 19. oktobera 2021
artikl hódnoćić
(0 )
 Jan Clausen  Foto:  Jan Bogusz Jan Clausen Foto: Jan Bogusz

W politiskej krajinje tež našeho regiona wuhladaš dale a wjace młodych mjez­wočow. K nim słuša 20lětny Jan Clausen. Wot oktobra 2020 wón w Lipsku prawnistwo studuje. „Sym so přeco hižo za po­li­tiku, hospodarstwo, towaršnosć a stawi­zny zajimował, a w prawje su wone wšě zjednoćene“, wón swój rozsud wopodstatnja. Za politiku zajimował je so Jan hižo jako 13lětny pachoł.

Wot lětušeho junija je z Pančic-Kukowa pochadźacy Serb čłon Zwjazkoweho předsydstwa Domowiny. Dźěło w gremiju so jemu jara spodoba. Temy, z kotrymiž so tam rozestajeja, jeho „wobohaćeja a horicont powjetšeja“. Tež w młodźinskim towarstwje Pawk je wón aktiwny. Wosebita naležnosć Clausenej je serbskej młodźinje posrědkować, zo je za přichod wažne cyłki wutworjeć. Młodostni měli zasadnje wjace zamołwitosće přewzać, so sylnišo słowa jimać a sej přede­wšěm jasne swójske měnjenje tworić.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND