Wšitke instancy nětko intensiwnje lětušu schadźowanku přihotuja

Budyšin (SN/jbo). Přihoty za 147. schadźowanku přeńdu pomału do finalneje fazy. Po tym zo so loni digitalnje přez platformu „edudip“ wotmě, chcedźa ju lětsa zaso live přewjesć. Swjedźeń schadźowanja nětčišich a něhdyšich serbskich studentow planuja za sobotu, 20. nowembra, w Budyskej „Krónje“. W lětomaj 2018 a 2019 bě wona přetwara měšćanskeje hale dla w Němsko-Serbskim ludowym dźiwadle.