Sportowcy SGB hotuja so na krajne finale

póndźela, 17. januara 2022
artikl hódnoćić
(0 )
Treningowa skupina abiturneho schodźenka Serbskeho gymnazija Budyšin zhromadnje z wučerkami a wučerjemi na pjatkownišej wolejbulowej AG.  Foto: Měrko Korjeńk Treningowa skupina abiturneho schodźenka Serbskeho gymnazija Budyšin zhromadnje z wučerkami a wučerjemi na pjatkownišej wolejbulowej AG. Foto: Měrko Korjeńk

Hač do zymskich prózdnin njehodźa so ža­ne wubědźowanja we wobłuku „Młodźina trenuje za olympiju“ přewjesć. Sportowi koordinatorojo wuchodneje Sakskeje pak su optimistiscy a so 20. januara zeńdu, zo bychu plan za móžne wurisanja přihotowali, jeli kul­tus tomu přihłosuje. Wolejbulisća wšitkich štyrjoch starobnych skupin na Serbskim gymnaziju Budyšin (SGB) so na móžny plan B wjesela a po pjatkach za­ho­riće trenu­ja. Wothłós je njesměrnje wulki, a tak móža šulerki a šulerjo 9./10. lětnika a 11./12. lětnika jenož dwutydźensce zwu­čować, dokelž je jich wjac hač pjećdźesat. A su-li raz wučerki a wučerjo pó­dla­­, je přidatna motiwacija w hrach ga­ran­towana. Najlěpše wuhlady za docpěće sakskeho finala maja hólcy 9. do 11. lětnika, kotrež su wokrjesne wolejbulowe finale suwerenje dobyli.

wozjewjene w: Sport
Prošu přizjewće so, chceće-li komentar podać

nawěšk

nowostki LND