Hudźbnicy koncertuja

Budyšin/Chrósćicy. Budyski młodźinski dujerski orchester wuhotuje dźěłarničku za zajimowanych hudźbnikow. W tym zwisku koncertuje jutře, sobotu, w 14.30 hodź. w Budyskim Kamjentnym domje najprjedy młodźinski dujerski orchester, w 15.30 hodź. zahudźi kapała, wobstejaca z wobdźělnikow dźěłarnički. Nazajtra, njedźelu, zapiska w 14 hodź. w Chróšćanskej „Jednoće“ kapała Horjany. W 15.30 hodź. přizamknje so znowa dźěłarničkowa kapała. Zastup je darmotny.

Nalětni swjedźeń

Čorny Chołmc. Krabatowy młyn w Čornym Chołmcu přeprošuje njedźelu, 1. meje, wot 11 hodź. na nalětni swjedźeń. Na jewišću dožiwja wopytowarjo Orchester Łužiska brunica, baletnu skupinu Wojerowskeje Łužiskeje hale, Krabatowu drastowu skupinu a Chróšćanskich muzikantow. Regionalni wikowarjo swoje wudźěłki poskićeja.

Nalětni koncert Mejenjow a dźěći