Njezapomnity turněr

pjatk, 08. julija 2022
artikl hódnoćić
(0 )
Serbske mustwo wobdźěli so prěni króć z hrajerjemi z Delnjeje a Hornjeje Łužicy na europeadźe. Jako mustwo su sylnje hromadu zrostli. Puć wjedźeše jich hač do połfinala, hdźež jenož snadnje z 1:0 Korutanskim Słowjencam podležachu. Serbske fanowki a serbscy fanojo běchu łužiskim koparjam w turněrje fenomenalna podpěra. Jörg Stephan Serbske mustwo wobdźěli so prěni króć z hrajerjemi z Delnjeje a Hornjeje Łužicy na europeadźe. Jako mustwo su sylnje hromadu zrostli. Puć wjedźeše jich hač do połfinala, hdźež jenož snadnje z 1:0 Korutanskim Słowjencam podležachu. Serbske fanowki a serbscy fanojo běchu łužiskim koparjam w turněrje fenomenalna podpěra. Jörg Stephan

Emocije, zhromadnosć, mnohotnosć – europeada 2022

„Together unique“ – „zhromadnje jón­krótni“ abo kaž domoródni Słowjenjo praja „skupaj enkratni“, to bě hesło lětušeje europeady – koparskich mišterstwow awtochtonych narodnych mjeńšinow Europy w Korutanskej, na kotrychž wobdźělichu so cyłkownje 19 muskich cyłkow a štyri žónske mustwa. Serbske mustwo pod nawodom trenarjow Franka Ričela a Svena Ballacka nastupi na lětušej europeadźe prěni króć z hornjo- a delnjoserbskimi koparjemi. Na kóncu wubědźichu sej Serbja wokoło kapitana Dennyja Krala trěće městno. Jako dźěl našeho teama njewidźu wuspěchi jenož na sportowej stronje, ale tež cyle jasnje w sylnišim wědomju. Tak praji mi mjez druhim jedyn z delnjoserbskich koparjow po poslednjej hrě: „Dotal njemějach žane prawe začuće wo tym, što rěka serbske korjenje měć. Jako pytnych kelko podpěry fanow z domizny a tu na městnje mamy, kelko wjesela to wobradźa, być dźěl serbskeho mustwa, sym cyle nowe impulsy wo našej kulturje a rěči dóstał.

wozjewjene w: Předźenak

Galerija

dalši wobraz (1) W dobrych a w špatnych časach: Kóždy jednotliwc bě serbske mustwo tak derje kaž móžno podpěrał.
dalši wobraz (2) Na hrajnišću přećiwnicy, po duelu přećeljo. Koparjo mustwa Romow z Madźarskeje rejowachu k serbskej hudźbje. Foto: Jan Bogusz
dalši wobraz (3) Regeneracija mjez hrami w Klopinjskim jězorje
Prošu přizjewće so, chceće-li komentar podać

nawěšk

nowostki LND