70 lěta stare a přeco hišće młode Płomjo

pjatk, 08. julija 2022
artikl hódnoćić
(0 )
Přińdu dźěći do redakcije Płomjenja na wopyt, potom jim šefredaktor hornjoserbskeho dźěćaceho časopisa Pětr Šołta rozłožuje, kak jich měsačny magacin nastawa.  Foto: Carmen Schumann Přińdu dźěći do redakcije Płomjenja na wopyt, potom jim šefredaktor hornjoserbskeho dźěćaceho časopisa Pětr Šołta rozłožuje, kak jich měsačny magacin nastawa. Foto: Carmen Schumann

Šefredaktor dźěćaceho časopisa Pětr Šołta abo ­lěpje Mister Płomjo je mjeztym 14 lět zamołwity ­za zestajenje a wudawanje serbskeho dźěćaceho časopisa. Milenka Rječcyna je so w jubilejnym lěće z nim rozmołwjała.

Štó su byli Waši předchadnicy pola Płomjenja a što sće sej wot jich skutkowanja do swójskeho přewzał?

P. Šołta: To běchu na přikład Křesćan Krawc, ­Gerat Libš, Monika Dyrlichowa a Beno Budar. Wot njeho sym nawodnistwo časopisa přewzał. Wón je jenički, kotrehož sym za čas jeho skutkowanja ze­znał. Wědźał sym hižo to a tamne, wšako je naša mać była jeho asistentka. Sam sym přewzał nawodnistwo Płomjenja w lěće 2008. Beno Budar bě mi tehdy rjekł, zo je zamołwitosć za tónle časopis najrjeńši job w serbskich institucijach. A na tym něšto je. Ja drje njemóžu to z něčim druhim přirunować. Po dotalnych 14 lětach pak móžu rjec, zo tele dźěło tež dale rady činju, wšako je wone jara wotměnjace. Dźeržiš kóždy měsac produkt w rukomaj, štož nimam za samozrozumliwe. Nimo toho móžu dźěłać za dźěći. Mam składnosć sam swoje ideje a předstawy wo dźěćacym časopisu do wudaćow zapřijeć. To je jara wjele hódne.

wozjewjene w: Předźenak
Prošu přizjewće so, chceće-li komentar podać

nawěšk

nowostki LND