Z muzeja w Drjowku: Po jutrach je tež hnydom zaso do jutrow

pjatk, 08. julija 2022
artikl hódnoćić
(0 )
Jutrowne jejka ze Šwicarskeje móža sej zajimcy w Drjowku runje tak wobhladać kaž serbske – a to přez cyłe lěto. Marmorěrowane škleńčane jejko z Harrachova w Čěskej a wonkowny napohlad muzeja wo sebi swědča. Tola nastroj, pomjenowany jako rěblik, nosydło abo lěsyčka (Quarkleiter) je wulka wosebitosć. Z nim su ludźo něhdy wjetše mnóstwa twaroha produkowali. Mloko bu kisałe, kapalcu wotlachu a bělk sypachu do měška. Wobsah potom z rěblikom wutłóčichu a tak nasta twaroh.  Foto: Helmut Schippel Jutrowne jejka ze Šwicarskeje móža sej zajimcy w Drjowku runje tak wobhladać kaž serbske – a to přez cyłe lěto. Marmorěrowane škleńčane jejko z Harrachova w Čěskej a wonkowny napohlad muzeja wo sebi swědča. Tola nastroj, pomjenowany jako rěblik, nosydło abo lěsyčka (Quarkleiter) je wulka wosebitosć. Z nim su ludźo něhdy wjetše mnóstwa twaroha produkowali. Mloko bu kisałe, kapalcu wotlachu a bělk sypachu do měška. Wobsah potom z rěblikom wutłóčichu a tak nasta twaroh. Foto: Helmut Schippel

Je lochko rjec, zo započinaja so jutry přichodneho lěta z tymi aktualneho. Dołhož scenarij w Ukrainje mjezy kraja njepřekroči, změjemy tež dale składnosć po swojim wašnju jutry swjećić.

Jutry pak su woprawdźity swjedźeń a njejsu za to, zo bychmy byli zrudni, ale wjeseli, myslo na dobyće nalěća nad zymu, na čas zelenje a kćěća, jasnje žiwu zwěrinu a wosebje jako znamjo křesćanow dobyća žiwjenja nad smjerću. Jutrowne swjate dny, ale tež do toho posćenje, su mjeztym hižo wjacore tydźenje nimo. Přiwšěm – jutrowny čas je so skónčił hakle na dnju Božeho spěća, lětsa 26. meje. Hač do klětušeho je dosć chwile so podać do jutrowneho swěta. Tajki dožiwić móžeće w Drjowku w Braniborskej. Cyle intensiwnje móžeće so tam zaběrać z jutrownymi nałožkami a wobrjadami, předewšěm w Delnjej Łužicy.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND