Posledni wotpočink docpěła

wutora, 20. septembera 2022
artikl hódnoćić
(0 )
Z jednym z najwjetšich statnych pohrjebow wšěch časow je so swět wčera ze zemrětej britiskej kralownu Elizabeth II. rozžohnował. Puć kašća wjedźeše tež nimo Buckinghamoweho palasta, w kotrymž bě kralowna 70 lět skutkowała. Statysacy ludźi ćah na kromach dróhow přewodźachu.  Foto: dpa/Carl Court Z jednym z najwjetšich statnych pohrjebow wšěch časow je so swět wčera ze zemrětej britiskej kralownu Elizabeth II. rozžohnował. Puć kašća wjedźeše tež nimo Buckinghamoweho palasta, w kotrymž bě kralowna 70 lět skutkowała. Statysacy ludźi ćah na kromach dróhow přewodźachu. Foto: dpa/Carl Court

Kralowna Elizabeth II. we wuskim swójbnym kruhu pochowana

Windsor (dpa/SN). Po statnym pohrjebje ze stacijemi w Londonje a Windsoru je Queen Elizabeth II. městno poslednjeho wotpočinka docpěła. Kralownu su wčera wječor w najwušim swójbnym kruhu w kapale St. Georgesa we Windsoru pochowali. Nětko je wona zaso ze swojim wjelelětnym mandźelskim princom Philipom zjednoćena, kaž ze zdźělenki kralowskeje swójby wuchadźa. Philip bě loni 99lětny zemrěł. Popołdnju běchu kašć kralowny Elizabeth II. we wobłuku roz­žohnowanskeje Božeje słužby do kralowskeho rownišća pod kapału pušćili.

Queen Elizabeth bě 8. septembra na swojej krajnej rezidency w šotiskim hrodźe Balmoral w starobje 96 lět zemrěła. Za čas dźesać dnjow trajaceje žarowanskeje doby mějachu najprjedy ludźo w Šotiskej, pozdźišo w Londonje dosć chwile, so ze swojej kralownu rozžohnować.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND