Charkiw (dpa/SN). We wuchodoukrainskim Charkiwje su wjacore ruske rakety rozbuchnyli. Zamołwići rěča wo znajmjeńša dwěmaj detonacijomaj. W dźělach města je na to milina wupadnyła. Wo mortwych abo zranjenych spočatnje žane informacije njepředležachu. Tež we wokolnych kónčinach města je k rozbuchnjenjam dóšło. Ukrainske medije maja nadpady za wjećbu Ruskeje za wobtřělenje ruskeho města Bjelgoroda.
Wuradźuja wo migraciji
Luxemburg (dpa/SN). Nutřkowni ministrojo čłonskich krajow EU su dźensa w Luxemburgu wo tym wuradźowali, kak móhli wóndano zaso jasnje přiběracu ličbu migrantow po tak mjenowanej Balkanskej čarje wobmjezować. Zwjazkowa nutřkowna ministerka Nancy Faeser (SPD) bě připowědźiła, zo chcyła ličbu njedowolenych zapućowanjow redukować. Agentura EU za škit mjezow Frontex bě w septembru 19 160 njeregularnych zapućowanjow registrowała.
Wuběrk sej Trumpa skazał
