Widźał,słyšał, napisał (21.11.22)

póndźela, 21. nowembera 2022
artikl hódnoćić
(0 )
Awtor dźensa Tomaš Faska22. koparske swětowe mišterstwa su so zahajili. Doniž němska wubranka njezapřimnje traje hišće něšto dnjow. Wjele je so rěčało, pisało, rozprawjało a z połnym prawom kritizowało. Wot wčerawšeje njedźele su swětowe mišterstwa w Katarje nětko realita. A dwělomny zymski turněr ma prěnjeho dobyćerja, team z Ekuadora porazy hosćićela w mučnej hrě z 2:0, kaž medije dźensa pisaja. Prěnja zazběhowa poražka hosćićela w stawiznach swětoweho turněra w kopańcy je z tym perfektna. Staroznata mudrosć, zo njemóžeš sej z pjenjezami wšitko kupić, so znowa jako wěrna wopokaza. Tutón turněr ma pječa perfektny być. „Najlěpša WM wšěch časow“, kaž prezident FIFA Infantino praji. Katar chce bjezporočny podawk wuhotować za koparskich fanow z cyłeho swěta, zo by so po móžnosći wo dobry image postarał. Ćim napadniše su zmylki, kotrež so hižo stawaja. Tak, kaž při zahwizdanju wčerawšeje wotewrjenskeje hry. Rěčnicy stadiona w Al-Chaurje běchu při countdownje k zakopej runje hakle pola pjeć dóšli, jako sudnik Daniele Orsato hru zahwizda.
wozjewjene w: Sport
Prošu přizjewće so, chceće-li komentar podać

Serbska debata

nowostki LND