Weixdorf na prěnim městnje piwoweho cupa

wutora, 24. januara 2023
artikl hódnoćić
(0 )
Sandro Žur (srjedźa, Ralbicy) wot mustwa starych knjezow Sokoła Ralbicy/Hórki w dwuboju z hrajerjom Sportoweho towarstwa Budyšin při piwowym cupje w Kulowje.  Foto: Werner Müller Sandro Žur (srjedźa, Ralbicy) wot mustwa starych knjezow Sokoła Ralbicy/Hórki w dwuboju z hrajerjom Sportoweho towarstwa Budyšin při piwowym cupje w Kulowje. Foto: Werner Müller

Na tradicionalny piwowy cup běchu sej minjeny tydźeń stari knjezojo sportoweho towarstwa Módro-běli Kulow znowa sydom mustwow z blišeje a dalšeje wokoliny přeprosyli. Po dwěmaj lětomaj přestawki wjeselachu so wšitcy na měrjenje mocow. Nimo znatych cyłkow z Großröhrsdorfa, Kumwałda, Wojerec, Weixdorfa a Němskich Pazlic běše lětsa nowačk z Budyšina pódla. Hraješe so w dwěmaj staflomaj, a to stajnje dwanaće mjeńšinow. Prěnje dwě mustwje kwalifikowaštej so za połfinale. W semifinalu kopaše so potom přez křiž, tak zo nastaštej wulke a małe finale.

W stafli 1 hraješe domjacy cyłk z Kulowa, kotryž běše zdobom zakitowar pokala. Suwerenje wšitke partije dobychu, bjez jeničkeho napřećiwneho wrota. Druhe městno zaruči sebi nowačk ST Budyšin. Koparjo z města přewinychu direktneho konkurenta z Großröhrsdorfa w poslednjej skupinskej hrě z 3:1.

wozjewjene w: Sport
Prošu přizjewće so, chceće-li komentar podać

słowo lěta 2022

nawěšk

nowostki LND