Hórka poražka Liškow

wutora, 21. februara 2023
artikl hódnoćić
(0 )

Selbske wjelki –

Łužiske lodohokejowe liški 3:2 p.p. (0:0, 1:2, 1:0 - 1:0)

Maksimilian Adam měješe prěnju šansu z třělwu, kiž pak wosta w škiće wisajo. Tačel wotskoči do směra dołheje žerdźe, ale suny so tež pola Lane Scheidla nimo. Prěnjej třělwje Wjelkow zmištrowa potom wrotar Ville Kolppanen bjez problemow. Po nimale štyrjoch mjeńšinach a dalšim nadběhu domjacych zběhnychu sudniki prěni króć ruku. Běchu chłostani za Clarka Breitkreuza a Nika Miglima, kotrajž přińdźeštaj sej trochu přeblisko, wuprajili. Pola štyrjoch přećiwo štyrjom mějachu Liški drje wjace wobsydstwa puka, njewubědźichu pak kapital z njeho. Nachwilnje wzaštej sej wobě mustwje wjele časa za natwar hry, kotremuž pak bu wot přećiwnika přeco zaso derje zadźěwany. Hač krótko do kónca třećiny ničo naspomnjenjahódne wjac njesta, hač na chłostanje Maksimiliana Gläßla. Wón foulowaše Huntera Garlenta, jako tón ke konterej startowaše. W zbytnych 41 sekundach pak domjacy podličbu bjez napřećiwnych wrotow zakitowachu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND