Njeznaty Pücklerowy park
Běła Woda. Brigitte Haraszin zakónči dźensa, pjatk, swój rjad digitalnych přednoškow „Ducy po Mužakowskim parku“. We 18 hodź. rozłoži wona industrijowe stawizny a rekultiwowanje Wjercha Pückleroweho parka, při čimž steja „skerje schowane a njeznate, přiwšěm wotkrywanja hódne blečki“ w srjedźišću. Krótkodobne přizjewjenja přijimuje Ludowa uniwersita w třikrajowym róžku telefonisce pod čo. 03576 27830, jeničce z online-bankingom płaćomny popłatk wučinja 9 eurow.
Spominaja na zběžk jatych
Budyšin. Składnostnje róčnicy prěnjeho a najwjetšeho zběžka jatych za čas Němskeje demokratiskeje republiki, kotryž bu kónc měrca 1950 přez stotki ludoweje policije brutalnje a krawnje poraženy, wuhotuje towarstwo Komitej Budyšin jutře, sobotu, w 12 hodź. wopominansku swjatočnosć na pohrjebnišću blisko tež „Žołta běda“ mjenowaneho Budyskeho jastwa. W tym zwisku wotměje so hižo w 10.30 hodź. w (tachantskej) cyrkwi swj. Pětra ekumeniski/a nyšpor/nutrnosć.
Debić pod fachowym nawodom