Poděbrady (Łu/SN). Polabski muzej w Poděbradach prezentuje tuchwilu pućowansku wustajeńcu čěskeho wuměłca, hudźbnika, molerja a spisowaćela Ludvika Kuby, wěnowana Serbam a narodam Balkana. Přehladka je z wobrazami, fotami, instrumentami a narodnymi drastami wuhotowana.

Zańdźeny pjatk přewjedźechu po cyłej Cěskej „Nóc muzejow“ z wobrubjacymi kulturnymi programami. W Poděbradach pokazaja nimo štyrjoch informaciskich taflow wo Serbach 18 portretow žonow we wšelakich serbskich narodnych drastach. Mólby z Narodneho muzeja w Praze wupožčene, hdźež so přewažnje w fundusu chowaja a so lědma wustajeja.