Pisany program na hrodźe

Gólišyn. We wobłuku jutře tydźenja w Slopišćach wotewrjeneje wustajeńcy Aquamediale wuhotuje přehladku zarjadowace towarstwo samsneho mjena jutře, sobotu, druhi raz wobrubjace zarjadowanje pod hesłom „Són swjatojanskeje nocy“. Wot 14 hodź. wodźi Michael Bock zajimcow w krutym rytmusu po hrodźe Gólišyn (Golßen), před kotrymž prezentuja organizatorojo „pisany jewišćowy program pod hołym njebjom za kóždužkuli starobu“. Mjez druhim wustupitaj pianistaj Waning Hu a Dieter Gericke, wječor a w nocy postaraja so cyłkownje štyrjo DJjojo wo zynki do reje. Zastup je darmotny.

Zhromadnje spěwać a swjećić

Pančicy-Kukow. Skupina Přezpólni přeproša jutře, sobotu, na koncert a spěwny wječor do Pančic-Kukowa. Wot 19.30 hodź. zanjesu muzikanća na dworje Błažikec-Kaulfürstec statoka spěwy ze swojeho repertoira. Z „nadźijomnje čile wobdźělacym so publikumom“ změni so koncert „na zhromadny wječor spěwanja, zabawy a wjesela“. Zastup je darmotny.

Seriozny žurnalizm a wójna