„Zymski čas“ wupadnje

Budyšin. Serbski ludowy ansambl informuje, zo dźensa, pjatk, planowane předstajenje scenisko-koncertantneho adwentneho programa „Zymski čas“ na žurli SLA „strowotniskich přičin dla“ wupadnje. Hač a hdy so termin nachwata, tuchwilu hišće jasne njeje. Hižo kupjene zastupne lisćiki so zarunaja.

Zwěrjatam wobradźić

Wojerecy. „Zwěrjatam zwěrjenca wobradźić“ móža dźěći, přewodźujo rumpodichowku Silke Kühn, jutře, sobotu, wot 10 hodź. we Wojerowskim coowje. Fachowča chce jim pokazać, što zwěrjata najradšo žeru a nimo toho ducy po zwěrjencu někotružkuli zajimawostku přeradźić. Wobdźělenje płaći 5 eurow na dźěćo a 9,50 eurow na dorosćeneho. Swójbne kartki su za znajmjeńša 19 eurow na předań.

Rock ‘n‘ roll a punk do hód