Berlin (dpa/SN). Najebać wólbne wuspěchi ma šefina SPD Saskia Esken za wažne, zakaz AfD pruwować. „Zo móhli strony scyła zakazać, dyrbja zamołwići dokładne prawniske postajenja wobkedźbować“, wona powěsćerni dpa zwurazni. „Je wažne, zo so wo zakazu AfD rěči a tak tež wolerki a wolerjo rozbudźa.“ Po słowach Esken je AfD přećiwo demokratiji. Jako wopodstatnjenje mjenuje wona, zo je AfD dźěl prawicarskoekstremneje syće a wjedźe lisćiny jej njelubych kritiskich žurnalistkow a žurnalistow a zarjaduje přizjewjenske portale za wučerjow, kotřiž so kritisce wo AfD wuprajichu. „Strona wužiwa kóždu temu a ludźi naškara.“