Karlsruhe (dpa/SN). Prawicarsku ekstremistisku NPD, kotraž mjenuje so mjeztym „Heimat“, šěsć lět wot statneho financowanja wuzamknu. To je zwjazkowe wustawowe sudnistwo dźensa rozsudźiło. Po tutym puću wotpadnu tež dawkowe lěpšiny na dobro strony. „Heimat“ je na to wusměrjena, demokratiski zakładny porjad Němskeje wosłabić abo wotstronić, sudnicy měnjachu. Přećiwo stronje skoržili běchu zwjazkowy sejm, Zwjazkowa rada a zwjazkowe knježerstwo.

Poskićuja přiměr w Gazy

Tel Aviv (dpa/SN). Israel je terorowej organizaciji Hamas z posrědkowanjom Katara a Egyptowskeje přiměr dweju měsacow poskićił. Za to wočakuje kraj pušćenje wšěch w Gazaskim pasmje zawlečenych israelskich zastajencow, medije rozprawjeja. Tež někotrych palestinskich jatych chcedźa z israelskich jastwow pušćić. W Gazaskim pasmje je dźensa 21 ­israelskich wojakow padnyło. Wojacy chcychu dom rozbuchnyć. Přihotowane bomby pak dočasnje rozbuchnychu.

Halley přećiwo Trumpej