Šěroki zwjazk iniciatiwow namołwja kónc tydźenja protestować
Běła Woda/Budyšin/Wojerecy (SN/MG). Dny dołho hižo demonstruja statysacy ludźi po cyłej Němskej měrnje přećiwo prawicarjam a za demokratiju. Dohromady 1,2 milionaj ludźi stej so wot 15. januara na demonstracijach wobdźěliłoj, piše organizacija DemokraTEAM na swojej internetowej stronje. Najwjetše drje běchu tute w metropolach kaž Hamburg a Mnichow, hdźež wobdźělichu so telko ludźi, zo dyrbjachu zarjadowanje přetorhnyć.
Pozadk demonstracijow je wozjewjenje centruma za rešerše „Correctiv“. W tutym pisaja žurnalisća wo tajnym zetkanju prawicarjow a politikarjow w Podstupimje. Tam planowachu po wšěm zdaću wotsuwanje milionow ludźi do sewjerneje Afriki.