Móžnosće nakupowanja su wšudźe wažny dźěl infrastruktury. Hdyž so w tymle wobłuku něšto změni, to mnohich ludźi zaběra. To so znowa we Wojerecach pokazuje.

Wojerecy (AK/SN). Drježdźanska firma zdźěła tuchwilu koncept nakupowanja we Wojerecach. Wón wopřijima wuwiće drobnowikowanja kaž tež nakupowanskich centrumow. 21. februara wotměje so wo tutej temje wobydlerska zhromadźizna. 12. měrca so měšćanska rada na wurjadnym posedźenju jeničce z tejle temu zaběra. Tole zdźěli wyši měšćanosta Torsten Ruban-Zeh (SPD) wčera na wuradźowanju radźićelow.