Adwentne wiki w Radworju

Radwor. Wulki wuspěch lońšich adwentnych wikow na Radworskej kupje je zamołwitych kupoweho towarstwa pozbudźił, zarjadowanje lětsa znowa přewjesć, a to jutře, sobotu, wot 15 hodź. Poł hodźiny pozdźišo wočakuja tam swj. Borboru. Přećeljo paslenja z Miłkec, Chelna a Radworskich Młynskich chěžow poskićuja swoje wudźěłki. Smolerjec kniharnja budźe tež zastupjena. Tombola wabi z wuhladami na dobyće. K jědźi změja plincy, langoš a šokolodźane jabłuka.

Koncert chóra a adwentne wiki

Malešecy. Pod hesłom „Budź nam nětko witany“ prezentuje Dobrowólna wohnjowa wobora Malešecy jutře, sobotu, koncert Chóra Židźino. W 15.30 hodź. zaklinča w Malešanskej cyrkwi adwentne spěwy. Zastup je darmotny, pjenježne dary pak so njewotpokazuja. Koncert twori zazběh Malešanskich adwentnych wikow, kotrež dźěći tamnišeje Witaj-pěstowarnje w 17 hodź. „z pisanym programom“ wotewru.

Tomaš Žur zahraje w awli