W decemberskim wudaću předstaji we Łužicy narodźeny fotograf a režiser Robert Eckstein wurězki swojeho wuměłstwa, kotrež je přemnohostronske, zo by so zapopadnyć dało.

Hartmut S. Leipner so pod hesłom „Naša serbska šula“ ze serbskosću jeničkeho delnjoserbskeho gymnazija rozestaja: Kajku rólu tam serbšćina scyła hraje a kak chutnje so serbske zakonitosće Braniborskeje přesadźa? Wón so za to wupraja, zo je na času, zo Serbja prawo samopostajowanja swojeho šulstwa dóstanu.

Wo zajimawym žiwjenju delnjoserbskeje basnikaŕki Marjany Domaškojc piše Pětš Šurman, kotryž pokazuje mjez druhim na njewšědne styki mjez tworjacymi žonami, z kotrychž nimo přećelstwow za žiwjenje tež wuměłske twórby za wěčnosć wuchadźachu.