Dźeń wotewrjenych ateljejow

Rubyn/Choćebuz. Jutře, sobotu, a zajutřišim, njedźelu, wuhotuja po cyłej Braniborskej Dnjej wotewrjenych ateljejow. Mjez so wobdźělacymi wuměłcami wokrjesa Sprjewja-Nysa staj Rolf a dr. Edeltraud Radochla, kotrajž spřistupnitaj swoju dźěłarnju w Rubynje wopytowarjam. Tam prezentujetaj wot 13 do 18 hodź. resp. wot 10 do 17 hodź. molerstwo, grafiki a tekstilne wuměłstwo. W Choćebuzu skići w samsnym času mj. dr. Hella Stoleccyc dohlad do swojeho ateljeja.

Dźeń wotewrjeneje manufaktury

Ochranow. Manufaktura Ochranowskich hwězdow přeprošuje jutře, sobotu, na Dźeń wotewrjenych durjow. Wot 10 do 17 hodź. powjedu hosći w połhodźinskim rytmusu po dźěłarnjach, hdźež podawaja dohlad do produkcije woblubowanych adwentnych a hodownych accessoirow. Wobrubjacy program wopřijima paslenje za dźěći a hudźbu mjez druhim akordeonoweho orchestra z Olbersdorfa a wohnjowoborneje dujerskeje kapały z Berthelsdorfa. Zastup je darmotny.

Twjerde elektroniske zynki