Ruska sćele delegaciju do Turkowskeje – prezident USA tohorunja wotprajił

Moskwa (dpa/SN). Ruski prezident Wladimir Putin njepřijědźe dźensa za jednanja wo skónčenju wójny w Ukrainje do Istanbula. Putin sćele město toho swojeho poradźowarja Wladimira Medinskeho jako nawodu delegacije do Turkowskeje, to Krjeml wčera wječor zdźěli. Medinski, kotryž bě něhdy kulturny minister Ruskeje a kotryž nima wulke wonkopolitiske nazhonjenja, je so hižo lěta 2022 na jednanjach wobdźělił.

Dźěl delegacije su nimo Medinskeho tež zastupowacy wonkowny minister ­Michail Galusin, general Igor Kostjukow wot ruskeho generalneho staba a zastupowacy zakitowanski minister Alexander Fomin.

Spočatnje njebě jasne, kak Ukraina na wotprajenje Putina reaguje a hač rozmołwy z ruskej delegaciju scyła budu. Do toho běchu ruske medije rozprawjeli, zo wonkowny minister Sergej Lawrow jako wusahowacy zastupnik Ruskeje tohorunja njepřijědźe.