Předstaja chroniku města

Kamjenc. Składnostnje 800. jubileja Kamjenca je tamniše Stawizniske towarstwo ilustrowanu chroniku zdźěłała. Dźensa, pjatk, chcedźa publikaciju z titulom „800 Jahre Kamenz – was Kamenz und die Kamenzer bewegt(e)“ w měšćanskej bibliotece G. E. Lessing oficialnje předstajić. Redaktor dr. Lars-Arne Dannenberg prezentuje w 19 hodź. wurězki z 80 faktami měšćanskich stawiznow. Zastup je darmotny.

Rejować w kupjeli

Biskopicy. „Rejować, cyłu nóc so kupać a prosće so radować“ – z tymile słowami přeproša Biskopičanski East Club jutře, sobotu, na swjedźeń „East beach“ w tamnišej kupjeli pod hołym njebjom. Wot 21 hodź. chcedźa skupina Eastsideboyz kaž tež DJjojo Melonz, Riot Weekend a DP66 wopytowarjow do pohiba pohonjować. Přistupne je zarjadowanje zajimcam w starobje znajmjeńša 16 lět, zastup płaći 15 eurow.

„Wjesoła póndźela“ jako piknik