Rom (dpa/SN). Bamž Leo XIV. je dźensa dopołdnja zwjazkoweho prezidenta Franka-Waltera Steinmeiera na wosobinsku awdiencu do Vatikana witał. Po tym zo bu Američana w meji do zastojnstwa nawody 1,4 miliardy katolikow po wšěm swěće wuzwoleny, so wobaj prěni raz ­zetkataj. Steimeier sam je protestantiskeho wěrywuznaća. Po awdiency chcyše zwjazkowy prezident katolsku pomocnu organizaciju Sant‘Egidio wopytać.

Nowa kandidatka za sudnicu

Berlin (dpa/SN). Zwjazkowy sejm zahaji dźensa wječor nowy pospyt, wuzwolić sudnika zwjazkoweho wustawoweho sudnistwa. SPD namjetuje we wuběrku za wuzwolenje sudnikow kandidatku ­Sigrid Emmenegger. Jeli budźe wuběrk tomu přihłosować, móhł zwjazkowy sejm kandidatku štwórtk wuzwolić. Předsyda frakcije CDU/CSU Jens Spahn je zdźělił, zo chcyła frakcija Emmenegger sobu ­wolić. Za wuzwolenje je wjetšina dweju třećinow zapósłancow trěbna.

SPD warnuje před skrótšenjemi