Mjezynarodna poezija a hudźba

Běła Woda. „Wortakkord – spokenword meets Lausitz“ rěka wosebity format, kotryž „na jónkrótne wašnje poeziju a hudźbu zwjazuje“. Wobdźělnicy wustupuja bjez toho, zo bychu so do toho zetkali a probowali. Dźensa, pjatk, prezentuja wot 19 hodź. mjez druhim Marco Michalzik, Dominika Grešová a Ilja Markow swoje přinoški w Běłowodźanskim sociokulturnym centrumje Telux. Wo hudźbu postarataj so Natascha Jeffe a Michael Nickel, moderaciju wukonja Jessy James Lafleur. Zastup płaći 5 eurow.

Wjace hač jenož „Wukřik“

Smochćicy. We wobłuku rjadu Smochčanske jewišćo předstaji dr. Marianne Risch-Stolz jutře, sobotu, drje najznaćišeho wuměłca Norwegskeje w kubłanišću swj. Bena. Titul přednoška „Um ein Maler zu sein, muß man mit Strahlen des Lichtes arbeiten“ je citat Edvarda Muncha, kotrehož po słowach referentki „jenož rozumiš, znaješ-li jeho žiwjenje“. Zarjadowanje započnje so w 19.30 hodź., zastup płaći 10 eurow.

Satiriski šanson w Slepom