Alena Bětnarjec z Pančic-Kukowa wotkrywa sej kontinenty swěta – startowała je w Africe
Po studiju wučerstwa rozsudźi so Alena Bětnarjec z Pančic-Kukowa na dwaj měsacaj w Španiskej šulu podawać. Tele dožiwjenje jej pokaza, kak wuswobodźace móže być, znatu wokolinu wopušćić a w nowym kraju zamołwitosć přewzać. A přebytk zbudźi w njej přeće, wjace wo pomocy za wuwiće nawuknyć a druhe žiwjenske reality lěpje zrozumić. Tohodla pućowaše dale do Namibije, zo by tam šulu wopytała a wšědny dźeń na městnje zeznała. Čas w Namibiji je w njej lubosć k Africe wotkrył. Tohodla so rozsudźi dale pućować.
Tak započa so jězba, wjeduca ju po wjacorych kontinentach a mjez druhim tež k projektej wutroby do Kenije. Lisa-Maria Cyžec je so z Alenu Bětnarjec rozmołwjała.
Što za tebje pućować woznamjenja?
