„Z našim Matom je naša swójba perfektna“, měni Jasčanka Marija Šmitowa. Při tym na spočatku njebě tak, zo by kóždy jej a Gabrielej jako Matowymaj staršimaj tute zbožo wěšćił. Přetož Mato je hinaši hač druhe dźěći. Ma trisomiju 21, genetisku wosebitosć, kotruž znajemy tež pod zapřijećom down-syndrom. To rěka: 21. chromozom so w bańkach ćěła trójce jewi, nic dwójce. „Naše nazhonjenja z Matom nam pokazuja, zo čłowjek njetrjeba přeco spěšny być. Najwjetše zbožo tči skerje w tym, zo sej čłowjek kaž Mato swět krok po kroku wotkrywa z tym, zo jón snano wědomišo wobkedźbuje. Naš Mato je wjesoły a so stajnje směje“, mać Marija rjekny.
Trisomija a trajne zbožo
wutora, 23. decembera 2025
28
E-Paper: Serbske Nowiny 246
-
wulkosć pisma
Schriftgröße verkleinern
Schrift vergrößern
Šmitec swójba z Jaseńcy je přewšo wjesoła, zo je synk Mato mjez nimi. Mato ma trisomiju 21, genetisku wosebitosć, kotruž znajemy pod mjenom down-syndrom. Staršej Marija a Gabriel staj so wědomje za dźěćo rozsudźiłoj.Marija Šmitowa
Maja Kuringowa z Dobrošic a Marija Šmitowa z Jaseńcy chcetej rady z druhimi potrjechenymi staršimi kontakt nawjazać. Wonej matej za trěbne, zo wutwori so za staršich, kotřiž maja dźěćo z wobmjezowanjom, městnosć za wuměnu. Towarstwo „Dwórnišćo inkluzije“ w Čornym Hodlerju ideju podpěruje a přeprošuje wšitke swójby, kotrež so narěčane čuja, na prěnje zetkanje klětu, 21. měrca 2026, na swětowy dźeń down-syndroma do Čorneho Hodlerja na dwórnišćo.
wozjewjene w:
Předźenak
Galerija
Hanka jako družka, kaž tež sotře Milenka a Janika lubuja swojeho bratřika Mata (wotlěwa), kiž je přewšo wjesoły.
Mato swójbne žiwjenje Šmitec swójby w Jaseńcy njesměrnje wobohaća. Z nim je swójba kompletna.
Prošu přizjewće so, chceće-li komentar podać
