Bianka S., naša inwestigatiwna reporterka, specializowana na wotkrywanje serbskeje clan­kriminality, rešeršowaše njedawno na europskim kokanju tak mjenowanych ludowych skupin. Za tu­tym słowom so syće wulkoswójbow chowaja, kotrež w paralelnych towaršnosćach mjez sobu wikuja. Bě wjac hač připad, zo je wona w Bozenje dotal njeznatu wotnožku ZARI, syće za serbsku rěč a regionalnu identitu, wotkryła. Zo je Južny Tirol Domowi­nje, nošerjej ZARI jara sympatiski, wěmy z časa zběžka wo Chróšćansku šulu. Tehdyši předsyda zwjazka starodaw­nych łužiskich rodźinow, Jan N., wuchwalowaše w něm­skim rozhłosowym sćelaku wuspěšnu strategiju histori­skeho hibanja za awtonomiju Južneho Tirola ze słowami: „Kóždy dźeń jednu bombu!“. Jeho naslědnik Dawid S. pak je so strategije wobrónjenja wotrjekł. Wón so radšo z pomocu němskich agentow serbskich zajimow Michaela K. a Dietmara W. na wucycanje stata ze spěchowanskimi srědkami měri. ZARI ma wšěm clanam a jich zwjazkarjam dołhodobne dochody zaručeć. Dotal je drje w ZARI hakle­ 18 nowych dźěłowych městnow, ale planuja bórzomne stopnjo­wanje na 180.