Washington (dpa/SN). Bywši prezident USA Bill Clinton je po informacijach medijow nětko tola zwólniwy, we wobłuku přepytowanjow skandala wokoło seksualneho złóstnika Jeffreyja Epsteina před kongresom USA wuprajić. Clinton je tomu přizwolił, zo by so hrožacemu sudniskemu jednanju nječesćenja kongresa dla wuwinył. Epstein bě wjele lět zhromadnje z druhimi mužemi žony znjewužiwał. We wotpowědnych dokumentach so tež mjeno Clintona jewi.

Zastojnicy dóstanu kamery

Minneapolis (dpa/SN). Zastojnicy wjele diskutowaneho zarjada za imigraciju ICE maja při swojich dwělomnych zasadźenjach přećiwo pozdatnym ilegalnym w USA přichodnje kamery nosyć. Tole je ministerka za škit domizny Kristi Noem zdźěliła. Ručež su pjenježne srědki přewostajene, chcedźa program tak mjenowanych bodycamow na cyły kraj rozšěrić. Po namócnej smjerći dweju staćanow USA při racijach ICE běchu sej demokraća w parlamenće tajke kamery žadali.

Merz za samostatnosć Europy