Praha. Organizatorojo towarstwa „Milion chwilkow za demokratiju“ su zawčerawšim w Praze na Staroměšćanskim naměsće demonstraciju pod hesłom „Stejimy za prezidentom!“ přećiwo nowemu knježerstwu přewjedli. Njeje wěste, kelko ludźi je so wobdźěliło, tuchwilu rěči so najebać zmjerzk wo 90 000 protestowacych, při čimž su druzy w dalšich čěskich a morawskich městach na podobnych, mjeńšich demonstracijach pobyli. Njehladajo na njewěstosć tajkich ličbow je hišće dalšich indicow za rozměr protesta: Internetnu peticiju za škit čěskeho prezidenta je dotal w běhu połdra měsaca jeje eksistency nimale 700 000 ludźi podpisało. Cil je nětko docpěć milion podpisow.

Dwaj wuslědkaj stej wěstej. Hišće ženje w stawiznach samostatneje Čěskeje njeje so tak spěšnje přećiwo nowemu knježerstwu demonstrowało (wona dźěła hakle wot lońšeho 9. hodownika) a hišće žana peticija njeje tak wjele podpisow zezběrała. Što to rěka? Je čěska demokratija wohrožena? Abo prezident?