Berlin (dpa/SN). Statny minister za kulturu Wolfram Weimer (njestronjan) sej hnydomne pušćenje z jastwa korespondenta Deutsche Welle (DW) žada, kotrehož su w Turkowskej zajeli. „Namołwjam turkowske knježerstwo, so wo to postarać, zo Alican Uludağa hnydom pušća“, rjekny Weimer němskej powěsćowej agenturje. Uludağa běchu wčera zajeli. Jemu wumjetuja „šěrjenje wopačnych informacijow w zjawnosći“, „skřiwdźenje prezidenta“ kaž tež „skřiwdźenje turkowskeho naroda, stata a institucijow“.

Zjězd strony zahajili

Pjöngjang (dpa/SN). W Sewjernej Koreji su zjězd knježaceje strony dźěłaćerjow zahajili, kotryž so kóžde pjate lěto wotměwa. W narěči k wotewrjenju so knježićel Kim Jong Un pozitiwnje k wuwiću kraja wupraji, zdźěli statna powěsćowa agentura KCNA. Na posedźenju so po informacijach sewjernokorejskich medijow 5 000 kadrow strony wobdźěla. Na zjězdźe da Kim snano tež dohlady do wu­twara atomarneho programa kraja.

Přepytowanja dale traja