Schrift vergrößern
Dohromady něhdźe 160 sobuskutkowacych zamó z třomi předstajenjemi oratorija „Nalěćo“ wopytowarjow w Drježdźanskej Martina Lutherowej cyrkwi, hdźež je tute foto nastało, w Budyšinje a Choćebuzu zahorić. Wšudźe dźakowaše so publikum akteram z mjeńšiny trajacym přikleskom a trójnej „Sławu“.
Nimale njeličomna syła entuziastiskich lajskich spěwarkow a spěwarjow, profesionelni instrumentalisća a solowi wokalisća a nic naposledk twórba, kotraž je tak woblubowana, zo maja mnozy někotryžkuli z jeje dźělow dawno za ludowu pěseń – přewjele so hladajo na tajkule konstelaciju nimo kulić njemóže, abo?
Wšitke mjenje abo bóle swobodny wid zmóžnjace městna w tachantskej cyrkwi swj. Pětra běchu hižo do nastupa chóra wobsadźene, mjeztym zo so tójšto wopytowarjow hišće zbywacych zastupjenkow nadźiješe.
Štó kotremu chórej přisłuša, móžachu zajimcy z wotpowědnej wědu znajmjeńša nastupajo žonjace hłosy na serbsce zdrasćenych spěwarkach spóznać. Foto: Stefan Cuška-Malink
