Žiwa poezija na zahrodźe

Mały Wjelkow. Spěchowanske towarstwo Sotrownje Mały Wjelkow zahaji dźensa, pjatk, swoje kulturne lěto 2026 z performance „Spokenword meets Lausitz“. Z hosćom na zahrodźe zarjadowanišća su čłonki a čłonojo kolektiwa (L)Ost poet(a)s resp. Łužiskeje spokenword-akademije. Wo hudźbne wobrubjenje postara so ukrainska spěwarka Talla. Zarjadowanje započnje so we 18 hodź. Zastup je darmotny, dary na dobro sobuskutkowacych runje tak kaž sotrownje pak njewotpokazuja.

Wuměłstwo w dobrej stwě

Budyšin. Towarstwo Dźěłań dźeń wožiwi jutře, pjatk, z wernisažu wustajeńcy twórbow Konstanzy Maii swój format Wuměłstwo we wukładnišću. W 20 hodź. poda Budyska wuměłča w „dobrej stwě“ zarjadowarja na Sukelnskej zawod do swojeho tworjenja, kotrež jako naiwne wuměłstwo wopisuje. Nimo toho předstaji swoju knihu „Wir kennen uns doch vom Swingerclub“. Přehladka je hač do spočatka julija přistupna.

Impresije z Kyrkonošow