Prěni króć we Wojerecach

Wojerecy. ABBA World Revival Show prezentuje so jutře prěni króć we Wojerecach. Dźesać muži a žonow z Prahi wustupi jako inkarnacija legendarneje šwedskeje band. Zastup do zarjadowanišća Speicher No.1 je wot 18 hodź. móžny, koncert pod hołym njebjom započnje so w 20.30 hodź. Kartka płaći 26,90 eurow.

Pišćelowy koncert w cyrkwi

Kamjenc. Do klóšterskeje a sakralneje cyrkwje swj. Hany w Kamjencu přeprošuje ewangelsko-lutherska wosada jutře, sobotu w 17 hodź. na koncert pod hesłom „Pišćele z dypkom w pjećich – 45 minutow pišćelowa hudźba“. K tomu słyša wopytowarjo teksty k rozmyslowanju. Na Mende-pišćelach zahraje Mario Merz z Bischheima, zastup je darmotny.

Wo winje zhonić

Granow. Gubinske turistiske towarstwo přeprošuje na wodźenje po winowych horach jutře, sobotu, 18. julija, wot 14 do 16 na winowu horu do Granowa. Při pućowanju změja wobdźělnicy składnosć, wšelake družiny wina woptać. Kartki płaća 25 resp. potuńšene 15 eurow a su online pod touristinformation-guben.de na předań.

Kino pod hołym njebjom