Krótko do wulkich prózdnin wuhotuje KOST – skrótšenka woznamjenja Kooperacija šule a dźiwadła w Sakskej – lěto wob lěto Zetkanje šulskich dźiwadłow. Hłowny zaměr je zmóžnić dorostowym cyłkam wšitkich spartow jewišćoweho wuměłstwa so zjawnje prezentować. Nimo toho ma mjezsobnej wuměnje akterkow a akterow, ale tež pedagogow a nawodow polěkować. A cyle připódla je wobstajne wabjenje za mysličku, dźiwadźelenje skónčnje jako regularny šulski předmjet zawjesć.