Nowi čłonojo Rownjanskeho spěchowanskeho towarstwa Njepilic dwór chcedźa eksistencu městnosće tež w přichodźe zaručić
Mnoho ludźi je tydźenja sobotu zaso lěćny dworowy swjedźeń na Njepilic statoku w Rownom wopytało. Je to jenož jedne z mnohich wulkich zarjadowanjow, kotrež čłonojo w lěće 1999 załoženeho spěchowanskeho towarstwa Njepilic statok lětnje organizuja. W nazymje stejitej zaso dworowy swjedźeń a kermuša, w zymje adwentne wiki a swinjorězanje na programje. Tójšto to prócy a dźěła za kóždeho čłona towarstwa.
