Schrift vergrößern
Čłonojo Wudworskeje rejowanskeje skupiny su njedawno w Rumunskej přebywali, hdźež dožiwichu krajinu z bohatej kulturu. Tamniša rejowanska skupina Pipacsok, kotraž je so loni na Mjezynarodnym folklornym festiwalu „Łužica“ wobdźěliła, bě serbsku skupinu na wuměnu přeprosyła. Matej Čornak
Z busom, a to 19 hodźinow dołho, poda so Serbski folklorny ansambl Wudwor do Rumunskeje k madźarskej mjeńšinje Szeklerow. Tamniša rejowanska skupina Pipacsok wobdźěli so loni na folklornym festiwalu we Łužicy. Při tutej składnosći nas k sebi do Rumunskeje přeprosychu. Tuta kónčina leži wosrjedź kraja, wona je napjelnjena z kulturu, tak kaž Łužica.
Zahoriće su Wudworčenjo swoje reje publikumej w Rumunskej předstajili.
Tež w narodnej drasće katolskich Serbow su Wudworčenjo na jewišću w Rumunskej wustupili.
K wuprawje zdobom słuša, sej krajinu a přirodu w druhim kraju wotkryć. Pućowanje skići za to najlěpšu składnosć.
