Budyšin (SN/mb). Po politiskim zemjerženju na wólbach krajneho sejma w Saksko-Anhaltskej je so zastupjer Budyskeho wólbneho wokrjesa w zwjazkowym sejmje Karsten Hilse (AfD) na naprašowanje našeho wječornika za AfD/CDU-koaliciju w susodnym kraju wuprajił. AfD je so wot 20,8 na 43,8% stopnjowała, CDU je wot 37,1 na 17,2% spadnyła. Po „fulminantnym wólbnym dobyću“ swojeje strony nadźija so Hilse „zbytnych konserwatiwnych mocow w CDU“, zo bychu „stabilnemu módro-čornemu knježerstwu dopomhali.“ Wšako chcedźa tež wolerjo CDU konserwatiwnu politiku. Hilse widźi dosć zhromadneho na polu ho­spodarskeje, energijoweje a migraciskeje politiki kaž tež w prašenjach wěstoty za ludnosć. Z wida Hilse je Budyski wokrjesny sejmik přikład, hdźež w frakciji CDU konserwatiwna wjetšina politiku postaja.